|
Veenah
| |
| | Sunday, January 22, 2006 - 12:51 pm: | 
| 
|
मोरी मसाला:
ह्या माश्याचा प्रकार मटणाप्रमाणेच करतात. मोरी मासा आकाराने मोठा असतो व साल काढून तुकडे करावे लागतात म्हणून बाजारातून आणतानाच कोळणीकडून किंवा विक्रेत्याकडून त्याचे मध्यम आकाराचे तुकडे करून आणावे.
मोठा, टचटचीत व पाठीकडे काळसर रंगाचा मासा चवीने छोट्या मोरी माश्यापेक्षा चांगला लागतो.
१ किलो मोरी चे तुकडे धुवून त्याला, आले-लसूण्-मिरच्या-कोथंबीर ची वाटलेली गोळी, हळद, तिखट व मीठ लावून ठेवावे.
गरम मसाला-४ लवंगा, २/३ दालचिनीचे तुकडे, १ चमचा धणे, ६/७ मिरी १ साधी वेलची, लहानसा जायफळाचा तुकडा, चिमूट शहाजीरे,१टिस्पून खसखस.--तेलात हा मसाला भाजुन घ्यावा.
१ मध्यम कांदा उभा चिरून १ कप ओले खोबरे- दोन्हीही तेलात गुलाबी भाजून घेणे.
कांदा-खोबर्याची, मसाला घालून गोळी वाटावी.
३/४ कान्दे बारीक चिरून तेलात परतून घ्यावे. त्यात मोरीचे तुकडे व १/४ वाटी चिंचेचा कोळ घालून थोडे पाणी घालून शिजायला ठेवावे.
शिजल्यावर त्यात कान्दा-खोबर्याचे वाटण व चिरलेली कोथम्बीर घालावी. एक उकळी काढून खाली काढावे.
तांदळाच्या वड्यांबरोबर चांगले लागते.
|
Veenah
| |
| | Sunday, January 22, 2006 - 1:06 pm: |
|
|
मी चुकून एक गोष्ट लिहायला विसरले.
वरील गरम मसाला भाजताना त्यात १/४ टिस्पून बडीशेप पण घालावी.
|
|
| हितगुज गणेशोत्सव २००६ |
|
|
|
| चोखंदळ ग्राहक |
|
| महाराष्ट्र धर्म वाढवावा |
|
| व्यक्तिपासून वल्लीपर्यंत |
|
| पांढर्यावरचे काळे |
|
| गावातल्या गावात |
|
| तंत्रलेल्या मंत्रबनात |
|
| आरोह अवरोह |
|
| शुभंकरोती कल्याणम् |
|
| विखुरलेले मोती |
|
|