हिरव्या मिरचीचे लोणचे केले कि त्यात लिंबाचा रस घालतो.हा लिंबाचा रस काढुन उरलेल्या सालींची ही मधुर चटणी ..अर्थात त्यात आणखी जिन्नसही वापरले आहेत.थोडीशी पुर्वतयारी करायची आहे.
१० लिंबांची साले -एका सालीचे चार तुकडे ,अशी सर्व साले चिरुन घ्यावी.
४ लिंबाचा रस.
१० साखरी खारका.-या नेहमीच्या खारकेपेक्षा आकाराने लहान व चवीला गोड असतात.
१० जर्दाळु..
१/२ वाटी साखर.
२ टी स्पून जिरे भाजुन केलेली जाडसर पुड.
१ टी स्पून तिखट.
१ टी स्पून सपाट भरुन मीठ.
पाणी लागेल तसे..
खारीक व जर्दाळु [त्यातील बिया न काढता ,सबंध ]भिजतील इतके पाणी घालुन वेगवेगळे दोन बाऊल मधे भिजवा.आता या दोनही बाऊल मधे १-१ टेबलस्पून लिंबाचा रस व १-१ टी स्पून जिरेपुड मिक्स करा.खारीक व जरदाळु रात्रभर भिजत ठेवा.
भिजलेल्या खारीक व जर्दाळु तील बी सुरीच्या सहाय्याने काढुन त्याचे तुकडे करा.व पुन्हा अनुक्रमे त्याच बाऊल मधे ठेवा..थोडेफार पाणी उरले असेल तर त्यातच राहु द्या.
लिंबाच्या सालींचे तुकडे करुन लहान कूकर किंवा प्रेशर पॅन मधे ठेवा.सर्व साली छान भिजतील इतके पाणी घाला.पाणी थोडे जास्त झाले तरी चालेल.. आता प्रेशर लावुन गॅसवर ठेवुन ३ शिटया येवु द्या.कूकरचे प्रेशर गेले कि झाकण उघडुन आतील सालींचे मिश्रण मिक्सरच्या भांडयात काढुन घ्या.मिक्सरवर छान बारीक पेस्ट करुन घ्या.मिश्रण घट्ट वाटले तर थोडे पाणी घाला.आता मिक्सरच्या भांड्यातुन सहज ओतण्यासारखे मिश्रण तयार होईल.
आता पॅन मधे हे सालींचे वाटलेले मिश्रण ओतुन त्यात साखर घाला ढवळा.गॅसच्या मध्यम आचेवर शिजायला ठेवा.सतत ढवळा.साखर विरघळ्ल्याने आधी मिश्रण पातळ होईल आता त्यात उअरलेला लिंबाचा रस ,बाऊलमधील जिरे-लिंबुरसाच्या पाण्यासकट खारकां.चे तुकडे घाला.एक मिनिट शिजवा.आता त्यात जर्दाळु चे तुकडे घाला.तिखट-मीठ घाला.एक उकळी येवु द्या.तयार चटणी एका बाऊल /बाटलीत मधे काढुन घ्या.तयार चटणी बाऊल/बाटलीत सहज ओतता येईल अशीच पातळसर असावी.कारण थंड झाली कि दाटपणा येतो.
चटणी थंड झाली कि दोन दिवस तशीच ठेवावी.कारण लिंबाच्या सालींचा कडवटपणा त्यात असतो आणि दोन दिवसांनी कडवटपणा पूर्णपणे जातो व छान आंबटगोड ,मधुर चव येते.त्यानंतर खाता येते.
तयार चटणी फ्रिज मधे ठेवल्यास टिकेल..
तिखट कमीजास्त घेता येईल.आवडत असल्यास भरडलेले मिरे,काळ्या मनुका [पाण्यात भिजवुन्]घालता येतील.
तयार चटणीत थोडेसे चवीपुरते सेंधव मीठ घालता येईल..
रेसिपी भारी आहे. जरा खटपट
रेसिपी भारी आहे. जरा खटपट वाटते आहे वाचताना. करताना कदाचित सोप्पी असेल.
मै, पुढच्या गटगला तू कर आणि आम्हांला बाटल्यांमध्ये भरून रिटर्न गिफ्टही दे
सॉरी अन्जूटी, ते २
सॉरी अन्जूटी, ते २ शिट्ट्यांचं लोणचं आहे.
२५ म्हणजे २५
http://www.manogat.com/node/2
http://www.manogat.com/node/22330
मन्जूडी, ही घे लिन्क
पण मनोगत वरची असल्यामुळे चालेल की नाही ते माहीत नव्हते.
Pages