कशास त्याची वाट पहावी (गंमतरही)
कशास त्याची वाट पहावी,
स्वतः खाउनी मोकळे व्हावे.
खाईल चोंग्या आल्या वरती,
त्याचे झाकून ठेवून द्यावे.
चविष्ट लागे गरम पदार्थ,
गार कशाला होऊ द्यावे?
भरल्या पोटी तंगड्या ताणून
गप्पा हाणत स्वस्थ पडावे.
आधीच दमता कामे करूनी
फुकाट 'अनशन' का घडवावे?
म्हणून म्हणतो आया-बायांनो,
स्वतः खाउनी मोकळे व्हावे.
खाईल चोंग्या आल्या वरती,
त्याचे झाकून ठेवून द्यावे.